போலீஸ் எனக்கூறி ரவுடிகள் செய்த கொடூர கொலை..(Fake Police Murder  In Tamil Nadu)

ராணிப்பேட்டை மாவட்டம் வானகரத்தில் போலீஸ் என  கூறி ரவுடி ஒருவனை அழைத்துச் சென்று  கை கால்களை துண்டு துண்டாக வெட்டி கொலை செய்த சம்பவத்தில் கஞ்சா வியாபாரி ஒருவர் நீதிமன்றத்தில் சரண் அடைந்துள்ளார், கடந்த சனிக்கிழமை இரவு சரத்குமார் என்ற ரவுடியை திருவள்ளூர் போலீசார் எனக்கூறி 6 பேர் கொண்ட கும்பல் அழைத்துச் சென்றனர்.

மறுநாள் சுடுகாட்டில் கை கால்களில் துண்டு துண்டாக வெட்டப்பட்ட நிலையில் சடலமாக மீட்கப்பட்டார்.  இது தொடர்பாக 5 பேரை பிடித்து போலீசார் விசாரித்து வந்த நிலையில் ராமச்சந்திரன் என்ற கஞ்சா வியாபாரி ஆரணி நீதிமன்றத்தில் சரணடைந்துள்ளார். கஞ்சா விற்பனையில் ஏற்பட்ட தகராறு அல்லது முன்விரோதத்தில் நடந்த கொலையா என்ற கோணத்தில் போலீசார் விசாரித்து வருகின்றனர். இச்சம்பவம் அப்பகுதியில் பரபரப்பை ஏற்படுத்தி உள்ளது.